|
Getting your Trinity Audio player ready...
|
रायपुर। सिद्धेश्वर महादेव मंदिर के जमीन ल फर्जी तरीका से रजिस्ट्री कराए के मामला जोर पकड़त हावे। मंदिर के जमीन ल कब्जा मुक्त कराए के मांग म सर्व छत्तीसगढ़िया समाज चंगोराभाठा अउ छत्तीसगढ़िया क्रान्ति सेना के सदस्य मन कलेक्टर कार्यालय के घेराव करिन।
सहकारिता मंत्री केदार कश्यप सहकार भारती के प्रदेशस्तरीय कार्यक्रम में बतौर मुख्य अतिथि हुए शामिल
प्रदर्शनकारियन के कहना हवय कि मंदिर के जमीन ल कुछ लोगन मन फर्जी दस्तावेज तैयार कर रजिस्ट्री कर लिहिस हावय, जऊनके चलते मंदिर के अस्तित्व म संकट खड़ा होगे हवय। समाज के लोगन मन कलेक्टर ले मांग करिन कि जमीन के फर्जी रजिस्ट्री के जांच कराए जाए अउ दोषी मन खिलाफ कड़ी कारवाही करे जाए।
प्रॉपर्टी टैक्स जमा करने की आखिरी तारीख बढ़ी, छत्तीसगढ़ सरकार ने जारी किया आदेश
छत्तीसगढ़िया क्रान्ति सेना के अध्यक्ष मनसुखराम यादव कहिन कि मंदिर के जमीन ल गलत तरीका से हड़पे के कोशिश होवत हावे, अउ समाज के भावना ल ठेस पहुँचावत हावे। समाज के लोगन मन कहिन कि मंदिर ह गांव के आस्था के प्रतीक ए अउ ओकरा नुकसान पहुंचाए वालेन मन खिलाफ कड़ी कारवाही जरूरी ए।
कलेक्टर कार्यालय के घेराव के दौरान भारी संख्या म लोग जुटे रहिन अउ नारेबाजी करिन। समाज के प्रतिनिधि मन कलेक्टर के सौंपे गए ज्ञापन म जमीन के असली दस्तावेज के सत्यापन कराए के मांग करिन अउ फर्जी रजिस्ट्री निरस्त करे के आग्रह करिन।
प्रदर्शनकारियन मन प्रशासन के रवैया पर भी सवाल उठावत कहिन कि अब तक फर्जी रजिस्ट्री करे वालेन ऊपर काबिलियत मुताबिक कारवाही नइ होय हवय। समाज के लोगन मन चेतावनी दे के कहिन कि अगर मांग पूरा नइ होइस त वे अउ बड़ा आंदोलन करे बर मजबूर होहिं।
